ബി.ടെക് ഡിഗ്രി ഒരു ഡെഡ് ലൈന്‍ ചെയ്സ് ആണോ ??

നിലവാരം ഇല്ലാത്ത കുട്ടികളും നിലവാരം ഇല്ലാത്ത അധ്യാപകരും ചേര്ന്നു ബി ടെക് ഡിഗ്രിയെ ഒരു ഡെഡ് ലൈന്‍ ചെയ്സ് ആകിയോ എന്ന സംശയം മനസ്സിനെ വല്ലാതെ ഉലച്ചു കൊണ്ടിരുന്നു. കുറെ ഏറെ നേരം ഇതിനെ പറ്റി ചിന്തിച്ചു . ഇങ്ങനെ ഒരു ആശയം മനസ്സിലേക്ക് എത്തിച്ചു തന്ന ജിതിന്‍ മോഹനോട് നന്ദി പറഞ്ഞു കൊണ്ടു എന്റെ മനസ്സില്‍ തോന്നിയ കുറച്ചു കാര്യങ്ങള്‍ ഇവിടെ കുറിക്കുന്നു .

ഒടുവില്‍ എന്ത് നേടി

ഇക്കഴിഞ്ഞ ഒക്ടോബര്‍ 28, മുന്നാറില്‍ അസിസ്റ്റന്റ്‌ പ്രൊഫസര്‍ ആയി സ്ഥാന കയറ്റം കിട്ടിയിട്ട് മൂന്ന് വര്ഷം തികഞ്ഞ ദിവസം.ഒരു സാദാരണ ദിവസം പോലെ കടന്നു പോയെങ്കിലും , അന്ന് രാത്രി കൊറേ ഏറെ ചോദ്യങ്ങള്‍ മനസ്സിലേക്ക് കടന്നു വന്നു.

ഞാന്‍ മുന്നാര്‍ എഞ്ചിനീയറിംഗ് കോളേജ് നു വേണ്ടി എന്ത് ചെയ്തു ?

എനിക്ക് മുന്നാര്‍ എഞ്ചിനീയറിംഗ് കോളേജ് എന്ത് നേട്ടം ഉണ്ടാക്കി തന്നു?

എന്നെ കൊണ്ടു മുന്നാര്‍ എഞ്ചിനീയറിംഗ് കോളേജ് എന്ത് നേടി.


ഇതിന്റെ എല്ലാം ഉത്തരം വളരെ ലളിതം

ഒന്നുമില്ല

ആരും ഒന്നും നേടിയില്ല

ഞാനും ഒന്നും നേടിയില്ല

എവിടെ ആണ് പിഴവ് പറ്റിയത്

അറിവിന്റെ കുറവാണോ -- അല്ല എന്നാണ് എന്റെ വിശ്വാസം

ബുദ്ധിയുടെ കുറവാണോ -- അല്ല എന്നാണ് എന്റെ വിശ്വാസം


പിന്നെ എന്താണ്

അസൂയ ആണോ

എനിക്ക് പലരോടും അസൂയ ആണെന്ന് ആള്‍ക്കാര്‍ പറഞ്ഞു നടന്നിരുന്നു

ക്ലാസ്സില്‍ സ്ഥിരമായി പോകാന്‍ എനിക്ക് മടി ആയിരുന്നു. കാരണം താഴെ .
നിര്‍ജീവമായ മുഖങ്ങള്‍
എന്തോ കേള്ക്കുന്നു
എന്തോ എഴുതുന്നു
അതിനപ്പുറം ഒരു വികാരവും ഇല്ല

എങ്ങെനെ എങ്കിലും കുറെ മാര്‍ക്ക്‌ കിട്ടണം
ഒരു ജോലി എങ്ങിനെ എങ്കിലും തറ പെടുത്തണം
പ്രൊജക്റ്റ്‌ ഉം സെമിനാറും ഒപ്പികണം

ആറാം സെമസ്റ്ററില്‍ ഒരു ജോലി കിട്ടിയാല്‍ പിന്നെ ലോകം കീഴടക്കിയ ഭാവം.
എല്ലാരോടും ഒരു പുച്ച ഭാവം. പിന്നെ പഠിക്കണം എന്നോ , നല്ല മാര്‍ക്ക്‌ വേണമെന്നോ , പുതുതായി എന്തെങ്കിലും അറിയണം എന്നോ ഒരു താത്പര്യം ഇല്ല.
ഹാജര്‍ നില മാത്രം കണക്കു കൂട്ടി ക്ലാസ്സില്‍ കയറുന്നു.

വി ടി പണ്ടു എഴുതിയത് ഓര്‍ക്കുന്നു

ഏതൊരു മണ്ടനും വളരാം വലുതാകാം , അവന് ആഗ്രഹം ഉണ്ടായാല്‍ മാത്രം മതി.
ആ ആഗ്രഹം ഇല്ലെങ്കില്‍ പിന്നെ എത്ര മിടുക്കന്‍ ആയാലും വളര്ച്ച ഉണ്ടാകില്ല.

തുടരും